Leeudoringstad is ‘n dorp in die Noordwes-provinsie van Suid-Afrika. Die dorp is 30 km oos van Wolmaransstad.
Geskiedenis:
Die dorp is 6 Desember 1920 op die plaas Rietkuil geproklameer en genoem na die leeudoringboom nadat ‘n spoorwegstasie met die naam Leeuwdoorns in 1908 opgerig is. Die dorp en plaaslike NG gemeente het dan ook lank as Leeuwdoornsstad bekend gestaan. Die naam kom van die plant Harpagophytum procumbens (duiwelsklou), wat in die omgewing groei. Die dorp lê aan die hoofspoorlyn tussen Kimberley en Johannesburg en die dorp het gegroei om die spoorweghalte.
Dinamietramp:
Die dorp het op 17 Julie 1932 die nuus getref toe ‘n trein wat 320 tot 330 ton (voorheen verkeerdelik as 1 200 ton aangegee) dinamiet vervoer het van die De Beers-fabriek by Somerset-Wes na die Witwatersrand, ontplof en die dorp platgevee het. Vyf mense is dood.
Volgens die: A.P.Cartwright “The Dynamite Company”, ‘n goedere trein wat plofstof van die Kaapse Plofstoffabriek na die Rand aflewer, met een-en-dertig vragmotors was met 10685 kiste gelaai. Net buite die stasie, sowat 1 km van die spoor af, het die bestuurder ’n rookwolk opgemerk wat van een van die vragmotors in die middel van die trein kom. Hy het dadelik die trein gestop en was op die punt om van die voetplaat af te klim toe ‘n reeks ontploffings plaasgevind het. Die bestuurder en sy brandweerman het ongedeerd daarvan afgekom en daarin geslaag om die enjin te ontkoppel en die stasie in te neem om die mense daar te waarsku dat daar moontlik nog ontploffings kan wees. [2]
‘n Nabygeleë plaashuis het die volle ontploffing gekry en vier mense daar binne is op slag dood, sowel as die meeste van die vee.[3]
Die raad van ondersoek het bevind dat die aanvanklike brand te wyte was aan die sleepas van die eerste dinamietvragmotor wat warm geword het en die ghries en olie in die askas aan die brand gesteek het. Wat die bestuurder en brandweerman gered het, was dat daar volgens regulasie drie leë vragmotors tussen die enjin en die eerste plofstofvragmotor moes wees.
Die koerant, “The Star” van 18 Julie 1932 het uitgebreide artikels gedra.
Distrik:
Die belangrikste ekonomiese aktiwiteite in die distrik is skaap– en beesboerdery, terwyl mielies, sorghum, sonneblomsaad en grondboontjies verbou word. Die R502 en die R504 streeksroetes kruis in die dorp.